Dünən, iyulun 21-də bir sıra kütləvi informasiya vasitələrində və sosial şəbəkələrdə İçərişəhərin XII əsrdə tikilmiş qala divarının yazılarla örtülməsi barədə paylaşımlar yayılıb. Bu haqda bu gün, 22 iyul tarixində Bakuplus.az məlumat verir.
Azərbaycan Daxili İşlər Nazirliyinin mətbuat xidmətinin bölmə rəisi Zeyni Hüseynovun verdiyi məlumata görə, bu yazılar bir müddət əvvəl edilib və onları törədən şəxslər çoxdan müəyyən edilib.
“Lakin həmin yazıların təmizlənməsi xüsusi qaydada həyata keçirilir. Bunun üçün xaricdən mütəxəssislər dəvət olunublar”, - deyə Daxili İşlər Nazirliyinin nümayəndəsi bildirib.
Daha öncə, 10 iyun tarixində Səbail Rayon Polis İdarəsi əməkdaşlarının həyata keçirdiyi tədbirlər nəticəsində qala divarını yazaraq korlayan şəxs müəyyən edilərək saxlanılməşdır.
