Bakının “Dəniz Mall” ticarət mərkəzində 27 iyul tarixində ekoloji fləş-mob keçirilib. Bu haqda məlumatı bu gün, 29 iyul tarixində Ekologiya və Təbii Sərvətlər Nazirliyinin mətbuat xidməti məlumat verib.
Fləş-mob çimərliklərin plastik tullantılarla, xüsusilə yay aylarında məşhur olan sərinləşdirici içkilərin boş şüşələri ilə çirklənməsinin qarşısının alınmasına yönəlmiş “Sıfır tullantı” pilot layihəsinə həsr olunub.
Fləş-mobun iştirakçıları dinləyicilərin diqqətini müxtəlif növ tullantıların çeşidlənməsi və ayrıca təkrar emalı və ya utilizasiyasının zəruriliyi probleminə yönəldiblər.
“Sıfır tullantı” layihəsi Ekologiya və Təbii Sərvətlər Nazirliyinin dəstəyi, Coca-Cola və “Carlsberg Azerbaijan”-ın (“Baltika 0”) tərəfdaşlığı və EcoHub ekoloji platformasının təçkilatçılığı ilə icra olunur.
[caption id="attachment_54498" align="alignnone" width="300"]
Foto Ekologiya və Təbii Sərvətlər Nazirliyinin Facebook səhifəsi[/caption]
