Çindən olan məşhur aviasiya blogeri və fotoqrafı Sem Çui Sovet dövründən qalma nadir təyyarələrdən birini idarə etmək üçün Bakıya gəlib. Bu haqda o, öz İnstagram səhifəsində 19 may tarixində məlumat yayıb.
“Mən təyyarələri sevirəm, amma daha dərin bir ehtirasım var – nadir təyyarələri təqib etmək. Dünən Silkway Hava Yollarına məxsus İL-76TD-90 təyyarəsi ilə Bakıdan Ərbilə və geriyə uçdum. Bu sovet nəhəngini idarə etmək üçün 5 nəfərdən ibarət komandaya qoşulmaqdan duyduğum hisslər sözlə ifadə edilə bilməz. Ehtirasımı canlı saxlayan əsl aviasiya macərası!” – pilot İnstaqram səhifəsində yazıb.
İndiyədək Sem Çui 100-dən çox ölkəyə səyahət edib, 2000-dən çox uçuş həyata keçirib və bütün dünya üzrə 3 milyon mil məsafəni qət edib. Onun İnstagram-da 700 mindən çox, Youtube-da isə 3 milyondan çox izləyicisi var.
[caption id="attachment_45302" align="alignnone" width="800"] Foto Sem Çui-nin İnstagram səhifəsi[/caption]
