Bakı Metropoliteni Formula 1 Azərbaycan Qran Prisi ilə bağlı bir sıra dəyişikliklər edib. 10-12 iyun tarixlərində metro gücləndirilmiş iş rejimində fəaliyyət göstrəcək. Bu haqda bu gün, 10 iyun tarixində qurumun mətbuat xidməti məlumat verib.
Stansiyalara əlavə heyət cəlb edilib.
Yarışla əlaqədar günün müxtəlif saatlarında sərnişin axınının istiqamətinin dəyişdirilməsi mümkünlüyü ilə əlaqədar ehtiyat qatarlar istənilən vaxt yola düşməyə hazır saxlanılır.
Formula 1 Azərbaycan Qran Prisi Bakıda artıq başlayıb və iyunun 12-dək davam edəcək.
