Paytaxtın Suraxanı rayonu, Hövsan qəsəbəsi, Oqtay Şabanov küçəsində həyətini böyüdən sakin ərazidə olan qaz xəttinin yerinin dəyişməsini istəyir. Bu haqda bu gün, 2 iyul tarixində Bakuplus.az Real TV-yə istinadən xəbər verir.
Aynur Heydərova həyətini genişləndirərək hasarını önə çəkib. Bu səbəbdən də əvvəldən çəkilən qaz borusu onun həyətində qalıb. Sakin də borunun həyətdən çıxarılması üçün Azəriqa İB-yə müraciət edib. Məsələnin 2022-ci ilin əvvəlində həll olunacağı bildirilsə də, heç bir hərəkət olmayıb.
Qurumun ictimaiyyətlə əlaqələr şöbəsinin müdiri Eldəniz Vəliyev bildirib ki, əgər sakin borular quraşdırılandan sonra yerdəyişmə edibsə, xətlərin həyətdən çıxarılması şəxsi hesabına olunmalıdır. Sakin “Azəriqaz” İB-yə müraciət edərək plan hazırlamaqla öz vəsaiti ilə boruların yerini dəyişə bilər.
