Suraxanı rayon sakinləri qanunsuz küçə ticarətindən şikayətçidirlər. Bu haqda 11 oktyabr tarixində Bizim.media məlumat verib.
Hövsan qəsəbəsindəki “Suraxanski” deyilən ərazidə rahat gediş-gəliş üçün maneələrin yaradıldığı, ərazidə antisanitariyanın hökm sürdüyü müşahidə olunur. Sakinlər sıxlıqla yanaşı, ticarətlə məşğul olanların bir-birlərinə qeyri-etik davranışlarından, söyüş və kobud ifadələrdən istifadə etdiklərindən də gileylənirlər.
Sakinlər tələb edirlər ki, hərəkətə mane olan pərakəndə ticarət bazara köçürülsün.
Qanunsuz küçə ticarəti ilə məşğul olanlara qarşı İnzibati Xətalar Məcəlləsinin 453-cü maddəsi ilə 80 manat məbləğində cərimə təyin olunur.
