Heydər Əliyev adına Beynəlxalq Hava Limanında əməkdaşlarla bilet alan şəxslər arasında mübahisə yaranıb. Bu barədə görüntülər bu gün, 16 iyul tarixində sosial şəbəkələrdə yayılıb.
Qeyr-rəsmi məlumatlara əsasən, mübahisə Bakı-Bodrum reysinin xəbərdarlıq edilmədən ləğv edilməsindən qaynaqlanıb. Bu isə uçuşa bilet alan şəxslərin narazılığına səbəb olub.
Qeyd edək ki, AZAL-ın rəsmi saytında reysin gecikməsi bildirilib.
Aldığımız məlumata görə, texniki nasazlıq səbəbindən J2-023 reysi bu gün saat 20:00-da həyata keçiriləcək.
Yenilənmə: 11:40
AZAL daha bir rəsmi açıqlama edib. Məlumata görə, sözügedən reysin sərnişinləri Bodruma digər təyyarə ilə yola düşəcəklər.
Gecikmiş reysin sərnişinləri aviaşirkətin qaydalarına uyğun olaraq içkilər və qidalanma daxil olmaqla bütün lazımi vasitələrlə təmin ediləcək.
