Şəhid ailələrinə qarşı dələduzluq edən şəxsin istintaqı başa çatıb. Bu haqda 24 iyun tarixində APA məlumat verib.
Fərid Abdinov adlı şəxs şəhid ailələrini aldadaraq, onlardan pul alıb. İddia olunub ki, o, xəstə övladı olan insanlardan, o cümlədən şəhidlərin həyat yoldaşlarından müxtəlif məbləğlərdə pul alaraq, onlara müxtəlif vədlər verib, onların etibarından sui-istifadə edərək külli miqdarda vəsaitlərini ələ keçirib. Bundan başqa, MİDA-dan mənzil almağa kömək edəcəyini vəd edərək, vətəndaşdan 18.000 AZN pul alıb.
F.Abdinov dələduzluq yolu ilə zərərçəkənlərin ümumilikdə 178.000 manat pulunu ələ keçirib.
Faktla bağlı Cinayət Məcəlləsinin müvafiq maddəsi ilə cinayət işi başlanıb. Ona qarşı məhkəmənin qərarı ilə həbs-qətimkan tədbiri seçilib.
Təqsirləndirilən şəxs barəsində toplanan cinayət işi materialları baxılması üçün Bakı Ağır Cinayətlər Məhkəməsinə göndərilib.
