Bakı Metropoliteni gücləndirilmiş iş rejimində çalışacaq. Bu haqda bu gün, 2 avqust tarixində Bakuplus.az Metropolitenə istinadən xəbər verir.
“Qarabağ” FK-nın keçirəcəyi futbol matçı ilə əlaqədar “Gənclik” stansiyasına əlavə işçi qüvvəsi ayrılacaq. Həmçinin “Nəriman Nərimanov” və “28 May” stansiyalarında da müvafiq tədbirlər görüləcək. Zərurət yaranarsa, xəttə ehtiyat qatarlar da buraxılacaq.
Gün ərzində Metropoliten standart yay qrafiki ilə fəaliyyət göstərəcək. Gücləndirilmiş iş rejimi futbol matçının başlanma və bitmə ərəfəsində tətbiq olunacaq.
“Qarabağ” FK 3 avqust tarixində Tofiq Bəhramov adına stadionda Macarıstan çempionu “Ferentsvaroş” ilə qarşılaşacaq.
