85 il əvvəl kaman ustası və pedaqoq Tələt Bakıxanov dünyaya göz açıb. Bu haqda 13 iyun tarixində Bakuplus.az məlumat verir.
Bakıxanov Tələt Soltan oğlu 13 iyun 1927-ci ildə Bakı şəhərində anadan olub. Musiqiçi kimi yetişməsində əmisi Əhməd Bakıxanovun böyük rolu olmuşdur. 1945-47-ci illərdə teatr texnikumunu bitirib, 1947-49-cu illərdə Asəf Zeynallı adına Azərbaycan Dövlət Musiqi Məktəbində kamança ixtisası üzrə Hafiz Mirzəliyevdən və Firuz Əlizadədən dərs alıb. 1947-ci ildən Müslüm Maqomayev adına Azərbaycan Dövlət Filarmoniyasının mahnı və rəqs ansamblının solisti olmuşdur.
Bir sıra xarici ölkədə - Fransa, İndoneziya, Malta, İran, Türkiyə, Suriya və başqa ölkələrdə qastrol səfərlərində olmuş, muğam üçlüyünün tərkibində görkəmli xanəndələri müşayiət etmişdir. Azərbaycan muğamlarının, xüsusilə “Segah” instrumental muğamının gözəl ifaçılarından biri kimi tanınmışdır.
Tələt Bakıxanov 1988-ci ildən Bülbül adına Orta İxtisas Musiqi Məktəbində çalışmışdır.
Əməkdar artist 2000-ci il mayın 30-da Bakı şəhərində vəfat edib.
