Paytaxtın Nizami rayonu, Keşlə qəsəbəsində, şəhidlər xiyabanının qarşısında açılan gecə klubu sakinlərin narazılığına səbəb olub. Bu haqda bu gün, 23 may tarixində Bakuplus.az Oxu.az -a istinadən xəbər verir.
Sakinlər bir neçə aydır fəaliyyət göstərən obyektin qarşısına çıxaraq etiraz etməyə başlayıblar. Hadisə yerinə polis əməkdaşları cəlb olunub.
“Hava qaralandan səhərə qədər səs-küy olurdu. Bu hal həm sakinlərə, həm şəhidlərə, ümumilikdə hamıya qarşı hörmətsizlikdir”, - deyə sakinlərdən biri bildirib.
Hazırda müəssisə bağlı olaraq qalır. Oranın işçilərinin sözlərinə görə, gecə klubunun yeri dəyişdiriləcək.
