Sosial şəbəkələrdə istilərin gəlməsi ilə şəhər ərazisində ilanların tapılması faktları daha çox ortaya çıxır. Çöllərdə və səhralarda yaşayan sürünənlər paytaxtın mərkəzində getdikcə daha çox peyda olur və sakinlər zəhərli və ya zərərsiz ilanla qarşılaşdıqlarını müəyyən etməkdə çətinlik çəkirlər.
Bakı sakinlərinin sözlərinə görə, onlar təkcə özlərinə görə deyil, daha çox uşaqlarına görə qorxduqları üçün, bu haldan çox narahatdırlar.
Çox vaxt ilanla qarşılaşmaq onun sancmasına səbəb olmayacaq. Ancaq zəhərli ilan tərəfindən sancılma təhlükəsi var. Bakuplus.az daha öncə ilan sancması zamanı necə davranmaq lazım olduğu barədə danışıb.
Bəs hər hansı yaşayış yerində ilan görsəniz, nə etməli? Hansı qurumla əlaqə saxlamaq lazımdır?
İlan və ya digər zəhərli heyvan (əqrəb, zəhərli hörümçək və s.) qapalı məkanda (mənzil, iş yeri, hər hansı bir obyekt və s.) aşkar edilərsə, Fövqəladə Hallar Nazirliyinin qaynar xəttinə müraciət etmək lazımdır.
İlanın açıq havada olduğu bir vəziyyətdə edə biləcəyiniz yeganə şey diqqətli olmaq və ilanla qarşılaşmamağa çalışmaqdır. Hazırda ölkədə ilanların işləməsi və axtarışı üçün tam təchizatlı herpetoloqların peşəkar xidməti yoxdur.
2017-ci ildə Zoologiya İnstitutu “Azərsun Holdinq”lə birlikdə kurslara herpetoloqlar cəlb etməsinə baxmayaraq, mütəxəssis heyətini toplamaq mümkün olmayıb.
