Bakının “Çinar Kitab Evi”nin seminar zalında 13 avqust, saat 15:00-da “Atalar və qızları” seminarı təşkil olunacaq. Bu haqda bu gün, avqustun 12-si Bakuplus.az məlumat verir.
Tədbir Avropa İttifaqının maliyyə dəstəyi, BMT-nin Əhali Fondunun təşkilatçılığı və “Kişilər Gender Bərabərliyi Uğrunda – Men For Gender Equality” virtual platformasının dəstəyi ilə keçirilir.
Seminarın əsas məqsədi kişilərin cəlb edilməsi və iştirakı ilə qadınlara və qızlara qarşı zorakılığın aradan qaldırılmasına və cəmiyyətdə gender bərabərliyinin təbliğinə töhfə verməkdir.
Seminarda ekspertlərin iştirakı ilə gender bərabərsizliyinə və gender əsaslı zorakılığa səbəb olan stereotiplərin və sosial normaların aradan qaldırılmasında İslam dininin rolu müzakirə olunacaq.
Görüşün spikerləri: dinşünas Fərid Abdullah və gender təlimçisi Cavid İmamoğludur.
Seminara giriş sərbəstdir. Əvvəlcədən 055 565 21 26 WhatsApp nömrəsinə yazaraq qeydiyyatdan keçmək lazımdır. Ünvan: Atatürk prospekti, 59.
