Bakıda 4 faydalı qazıntı yatağı hərraca çıxarılacaq. Bu haqda 29 iyun tarixində Report məlumat verib.
Bakıda avqustun 3-də yerin təkinin istifadəyə verilməsi üzrə növbəti hərrac keçiriləcək. Əmlak Məsələləri Dövlət Xidmətinin Əmlak Xidmətləri Məkanında saat 11:00-da keçiriləcək hərracda yataqların siyahısı:
- 5 lot üzrə Qaradağ rayonu, “Gülbaxt” əhəngdaşı;
- 5 lot üzrə Qaradağ rayonu, “Vulkan” əhəngdaşı;
- 1 lot üzrə Qaradağ rayonu, “Şahqaya” əhəngdaşı;
- 4 lot üzrə Qaradağ rayonu, “Karvansaray” əhəngdaşı.
Başlanğıc qiyməti 1920-45.140 manat arasında dəyişən yataqlara sahib olmaq üçün müvafiq sənədləri Səbail rayonu, İstiqlaliyyət, 31 ünvanına təqdim etmək lazımdır.
