Qarpızın mövsümü artıq yaxınlaşır. BakuPlus.az komandası sizlər üçün yaxşı qarpızı seçməyin qaydalarını araşdırıb.
Ölçü
Qarpızın ölçüsünə diqqət yetirmək lazımdır. Nə qədər böyük və yüngül olarsa, o qədər yetişmiş hesab olunur. Lakin qarpız seçimində çox iri və çox kiçiklərindən çəkinmək lazımdır. Bu yay bostan meyvəsinin optimal çəkisi 10 kiloqramdır.
Sarı ləkələr
Sarı ləkələr ən yaxşı yetişmiş qarpızın əlamətlərindəndir. Bu ləkə nə qədər sarımtıldırsa, qarpız da bir o qədər dadlı və şirin olur.
Qabığı
Qabığın üzərindəki zolaqlar maksimum fərqli olmalıdır. Yetişmiş qarpızın üzü mütləq möhkəm və parlaq olmalıdır. Bostandan çıxarılan qarpız artıq maye qəbul edə bilmədiyindən bərkiyir. Əgər qabığın üzərində dırnaqla dəlik yaranırsa, bu yetişmədiyinə işarədir.
Döyəcləməyə çalışın
Yetişmiş qarpızı əl ilə vurduqda, o, həmişə yay kimi əyilib əlinizi əks etdirməlidir. Əgər dəymiş qarpıza qulağınızı söykəyib vursanız, o zaman təmiz, cingiltili səs eşitməlisiniz. Həmçinin dəymiş qarpızı qulağınıza söykəyib azacıq iki əl ilə əzsəniz, qabığı cırıldayacaq.
Qarpızların “cinsi”
Qarpız - xonsa bitkisi olduğundan, “kişi cinsi”ndə olanların aşağısı qabarıq, dairəsi isə balacadır. “Dişilər”də isə aşağı hissəsi daha geniş, dairəsi isə daha böyükdür. “Dişi qarpız” daha şirin hesab edilir: tumları az, şirinliyi çox olur.
Yetişmiş qarpız seçərkən onun saplağı incə və quru olmalıdır.
Qarpızın kəsilərək alınması bir o qədər məsləhət deyil. Çünki qarpızı kəsən bıçaq sanitariya ve gigiyena qaydalarına uyğun təmizlənməlidir ki, qarpızın içinə yad maddələr düşməsin.
Qeyd edək ki, qarpız yaşlanmanın, qəbizliyin qarşısını alır, qaraciyəri təmizləyir, qan təzyiqini tarazlıqda saxlayır, gözün torlu qişasının degenerasiyası və göz ilə əlaqədar digər problemlərə qarşı qoruma təmin edir. Bundan əlavə, əzələ ağrılarını və hamilə qadınlarda tez-tez rast gəlinən əzələ qıcolmalarını azaldır.
