Rəssam Murad Vəliyev tərəfindən "Qavrayışı formalaşdıraraq" adlı ödənişsiz “vorkşop” keçiriləcək. Bu haqda 19 iyul tarixində Bakuplus.az məlumat verir.
Ustad dərsi 28 iyul tarixində saat 19:00-da İçərişəhər, Kiçik Qala, 5 ünvanında keçiriləcək. Dərslər zamanı iştirakçılar inşaat köpüyü, sap və akril daxil olmaqla, müxtəlif materiallardan və texnikalardan istifadə edəcəklər, həmçinin modanı müasir incəsənətdə necə tətbiq etməyi öyrənəcəklər.
İştirak etmək üçün 050 251 41 17 nömrəsi ilə əlaqə saxlayıb əvvəlcədən qeydiyyatdan keçmək lazımdır.
Murad Vəliyev İstanbul, Moskva və Bakı kimi şəhərlərdə moda və müasir incəsənət sahələrində çalışan gənc rəssamdır. Onun əl işləri "L’Officiel Azerbaijan", "Elle Russia", "Cosmopolitan Turkiye", "GQ", "Esquire", "Schön!", "Based Istanbul" və "Vogue" kimi nəşrlərdə dərc olunub.
