Sabah Bakıda iki beynəlxalq sərgi işə başlayır. Bu haqda 31 may tarixində Report məlumat verib.
İyunun 1-dən 3-nə qədər Bakı Ekspo Mərkəzində 19-cu Xəzər Beynəlxalq Nəqliyyat, Tranzit və Logistika Sərgisi - “TransLogistica Caspian”, 10-cu Yubiley Xəzər Beynəlxalq Yol İnfrastrukturu və İctimai Nəqliyyat Sərgisi - “Road&Traffic” keçiriləcək.
Sərgilərdə Azərbaycan, Almaniya, Belarus, Yunanıstan, İtaliya, Qazaxıstan, Rusiya Federasiyası, Türkiyə və Birləşmiş Ərəb Əmirliklərinin (BƏƏ) şirkətləri öz məhsul və xidmətlərini təqdim edəcəklər.
“TransLogistica” dəmir yolları, dənizçilik sənayesi və nəqliyyat-logistika xidmətləri kimi nəqliyyat sektorlarını birləşdirən səmərəli platformadır. “Road&Traffic” isə Azərbaycanda yol infrastrukturu sahəsində əsas ixtisaslaşdırılmış tədbirdir.
