“Salaam Cinema Baku”-da 30 iyun və 14 iyul tarixlərində “Head-On” (Orijinal adı: “Gegen die Wand”) adlı film nümayiş olunacaq. Bu haqda bu gün, 25 iyun tarixində Bakuplus.az təşkilata istinadən xəbər verir.
Head-On (alm. Gegen die Wand, hərfi mənada "Divara Qarşı") - 2004-cü ildə Fatih Akın tərəfindən yazılan və onun rejissorluğu ilə çəkilmiş alman-türk dram filmidir. Filmin baş qəhrəmanı - Birol Ünelin canlandırdığı türk əsilli alman dul kişi gənc türk qadınla evlənir. Həmin qız onu məhdudlaşdıran və təhqir edən kişi qohumlarından qaçmaq üçün hər şeyi edir.
Film saat 20:00-da, alman dilində, Azərbaycan və ingilis subtitrlərlə nümayiş olunacaq.
