Azərbaycan Respublikasının neft sənayesinin inkişafında xidmətlərinə görə Rəfiqə Hüseynzadə “Şöhrət” ordeni ilə təltif edilib. Bu haqda bu gün, 23 iyul tarixində Bakuplus.az dövlət başçısının saytına istinadən xəbər verir.
Bununla bağlı Prezident İlham Əliyev Sərəncam imzalayıb.
Rəfiqə Hüseynzadə 1952-ci ildə Bakı şəhərində anadan olub. 1974-cü ildə M.Əzizbəyov adına Azərbaycan Neft və Kimya İnstitutunun (Azərbaycan Dövlət Neft Akademiyası) “Neft-qaz yataqlarının axtarışı və kəşfiyyatı” fakültəsini bitirib. 1999-2011-ci illərdə ARDNŞ-nin təsis etdiyi “Azlab” MMC-nin Baş direktoru olub.
2011-ci ildən Azərbaycan Respublikasının Dövlət Neft Şirkətinin (SOCAR) Ekologiya üzrə vitse-prezidentidir. Rəfiqə Hüseynzadə, eyni zamanda BDU-nun “Faydalı qazıntılar” kafedrasında 2001-ci ildən elmi fəaliyyətini davam etdirir.
