Azərbaycanlı alpinist İsrafil Aşurlı Pakistanda dəniz səviyyəsindən 8051 metr yüksəklikdə yerləşən Broud-Pik dağ zirvəsini 23 iyul, saat 12:15-də fəth edib. Bu haqda məlumatı o, bu gün, 25 iyul tarixində öz İnstagram səhifəsində yayıb.
Bu, dünyada olan 14 "səkkizminlik" zirvədən Aşurlının fəth etdiyi beşinci zirvədir. Zirvəyə qalxma ekspedisiyanın 37-ci günündə baş tutub.
O, həmçinin bildirib ki, 7700-7800 metr yüksəklikdə ölmək üzrə olan rumıniyalı alpinisti görüb və onu L-3 hündürlük düşərgəsinə endirmək üçün 7300 metr yüksəkliyə qayıdıb. Orada ona Çili, Polşa və Rusiya alpinistləri kömək ediblər.
Mövcud insidentlə əlaqədar olaraq, qalxma ertəsi gün təxirə salınıb.
Bundan əvvəl Aşurlının litvalı alpinist Saulius Damuleviçiusla tandemdə çalışdığı da bildirildi. Lakin son İnstagram paylaşımlarına əsasən, İsrafil zirvəyə tək qalxıb.
“Bu ekspedisiyanın gerçəkləşməsinə imkan yaratdıqları üçün Heydər Əliyev Fonduna və şəxsən Leyla xanım Əliyevaya təşəkkür edirəm. Eyni zamanda Azərbaycanın Gənclər və İdman Nazirliyinə və Təbii Sərvətlər Nazirliyinə dəstək üçün minnətdarlığımı bildirirəm”, - Aşurlı öz səhifəsində yazıb.
