Bakı-Şamaxı yolunun Sulutəpə qəsəbəsindən keçən hissəsində işıq dirəkləri mövcüd deyil. Bu haqda AZTV reportaj hazırlayıb.
Sakinlərin sözlərinə görə, aşxam saatlarında magistral yolun qaranlıq içində olması insanlar üçün təhlükəli hala çevrilir. Həmçinin qəsəbə ərazisində yerüstü piyada keçidinin tikintisi yekunlaşmayıb və yalnız bir neçə aydan sonra istifadəyə veriləcək.
Azərbaycan Avtomobil Yolları Dövlət Agentliyinin (AAYDA) rəsmisi Anar Nəcəfli məsələ ilə bağlı bildirib ki, yollarda işıq dirəklərinin quraşdırılması tikinti-bərpa və yenidənqurma işləri çərçivəsində təmin olunur.
“Yollara xidmət göstərən agentlik olaraq, təbii ki, bu problem bizi də narahat edir. Və bu problemlə bağlı biz aidiyyəti üzrə məsələni qaldırmışıq ki, həmin problemi həlli istiqamətində addımlar atılsın”, - deyə Anar Nəcəfli qeyd edib.
Agentliyin rəsmisi həmçinin əlavə edib ki, yaxın müddət ərzində həmin ərazidə müsbətə doğru addımların atılacağı gözlənilir.
