Suraxanı rayonunda aparılan abadlıq-quruculuq işləri çərçivəsində gediş-gəlişdə çətinliklərə səbəb olan yol problemləri mərhələli şəkildə həll edilir. Bu haqda BakuPlus.az bu gün, 25 may tarixində xəbər verir.
Əmircan qəsəbəsində növbəti küçədə yenidənqurma işləri həyata keçirilir, küçə və yaşayış sahələrinin asfaltlanması işləri davam etdirilir.
Qəsəbənin yol infrastrukturu baxımından işlək küçələrindən hesab edilən uzunluğu 1200 metr olan Zeynal Zeynalov küçəsində Azərbaycan Avtomobil Yolları Dövlət Agentliyi tərəfindən 6600 kv.m asfalt örtüyünün salınması işləri aparılır.
Rayon ərazisində asfaltlanmasına ehtiyac olan küçələr növbəli şəkildə təmir olunacaq.
[caption id="attachment_45755" align="alignnone" width="800"] Foto Suraxanı Rayonu İcra Hakimiyyətinin Facebook[/caption]
