Paytaxtın Suraxanı rayonunda yerləşən qəbiristanlıqda özgələr üçün yer yoxdur. Bu haqda bu gün, 17 yanvar tarixində Bakuplus.az Space Xəbər-ə istinadən məlumat verir.
“Yeni Suraxanı Məzarlığı” adlanan qəbiristanlıqda Suraxanı rayonunda qeydiyyatda olmayan şəxslər dəfn oluna bilməz. Bununla bağlı qəbiristanlığın girişində lövhə də quraşdırılmışdı, ancaq sakinlərin şikayətindən sonra lövhə sökülüb.
Bildirilir ki, qəbiristanlıqda dəfn olunmaq ödənişsiz olduğu üçün bura çox müraciət olunur, bu səbəbdən də belə bir qayda qoyulub.
“Bura ehsan edilib. Kəndin hacıları var, Allah rəhmət eləsin birini, öz vəsaitlərinə aldıqları torpaqdır və ehsan eləyiblər. Ona görə də dəfn kənd əhalisinə pulsuzdur. Təkcə orda işləyənlər üçün pul götürülür”, - deyə Yeni Suraxanı bələdiyyəsinin sədri Fikrət Quliyev qeyd edib.
Burada dəfn üçün sadəcə 80 AZN ödəniş edilir. Digər bütün işləri qəbiristanlıq özü icra edir.
