Bakıda ilk dəfə olaraq keçirilən “TEKNOFEST Azərbaycan” Aerokosmik və Texnologiya Festivalı çərçivəsində “Take Off Baku” Startap Sammitinin qalibləri məlum olub. Bu haqda BakuPlus.az Report-a istinadən bu gün, 28 may tarixində xəbər verir.
Rəqəmsal İnkişaf və Nəqliyyat Nazirliyinin (RİNN), eləcə də Türkiyə Teknoloji Takımı Vakfının (T3 Vakfı), Sənaye və Texnologiya Nazirliyinin birgə təşkilatçılığı ilə keçirilən yarışda münsiflər 50 iştirakçıdan 25-ni startapın final mərhələsinə layiq görüb.
Finala vəsiqə qazanmış 25 startapdan 14-ü Azərbaycanı, 4-ü Türkiyəni, 3-ü ABŞ-ı, 1-i Misiri, 1-i Pakistanı, 1-i Argentinanı, 1-i Estoniyanı təmsil edib.
“Take Off Baku” Startap Sammitinin qalibləri 1-ci yer üzrə ABŞ-ın “Resepta” startapı (layihənin adı: elektron qəbzlərin yaradılması sistemi), 2-ci yer üzrə Azərbaycanın “E-Point” startapı (layihənin adı: Fintech, ödəniş sisteminin inteqrasiyası texnologiyası), 3-cü yer üzrə Türkiyənin “Co-Print” startapı (layihənin adı: 3D texnologiyası) olub.
[caption id="attachment_46259" align="alignnone" width="800"]
Foto Report.az[/caption]
