Bakı - Şuşa reyslərində dələduzluq aşkarlanıb. Bu haqda bu gün, 1 iyul tarixində Bakuplus.az Xəzər Xəbər-ə istinadən məlumat verir.
Belə ki, internet saytlarının birində Şuşaya tur təşkil edildiyi və qiymətlərin 45-55 manat arası olduğu bildirilib. Hətta tura səhər yeməyinin də daxil olduğu qeyd edilib.
Sözügedən xidmətlə maraqlanmaq üçün tur şirkəti ilə əlaqə saxlanılıb və necə bilet əldə etdiklərini, yolumuzqarabaga.az saytında həmin günlər üçün yer olmadığı bildirilib. Ancaq şirkət nümayəndəsi cavab verib ki, biletləri özləri çap edirlər və bununla bağlı Daxili İşlər Nazirliyindən müvafiq icazələri var.
Daxili İşlər Nazirliyindən isə bu halın tam qanunsuz olduğu və Şuşaya olan bütün reyslərin yalnız yolumuzqarabaga.az saytından almaq mümkün olduğunu bildiriblər. Həmçinin artıq sözügedən şirkət haqda araşdırma başlandığı da vurğulanıb.
Bu halların artıq bir neçə dəfə baş verdiyi və vətəndaşlardan diqqətli olmaları xahiş olunur.
