Bakıda universitetlərin birində verilən elan müzakirələrə səbəb olub. Bu haqda BakuPlus.az Azedu.az -a istinadən bu gün, 26 may tarixində xəbər verir.
Xəzər Universitetinin həyətində tələbələr üçün yerləşdirilən elanda kənardan yemək gətirməyin qəti qadağan olduğu bildirilib. Əks halda onların töhmət alacağı qeyd olunub.
Təhsil ocağının mətbuat xidmətinin rəhbəri Əlövsət Əmirbəyli məsələ ilə bağlı açıqlama verib:
“Bu gün səhər saatlarında həmin elanlar universitetdən götürülüb, onlar yırtılıb-atılıb. Bu yazılar qanunsuz xarakter daşıyır, heç bir ali təhsil müəssisəsinin qanununa uymur. Bunu yeməkxana müdiri özü edib ki, oraya daxil olan heç kim evdən yemək gətirməsin. Lakin universitet tərəfindən belə bir rəsmi qərar verilməyib. Hazırda baş verən hadisə ilə bağlı tədbirlər görülür. Yeməkxana müdiri rektorluğa çağırılaraq ona ciddi xəbərdarlıq edilib”.
