İyulda Azərbaycan Rəngkarlığı Muzeyində böyüklər üçün ödənişsiz ustad dərsləri keçiriləcək. Bu haqda 30 iyun tarixində Bakuplus.az məlumat verir.
Rəngkarlıq Muzeyində keçiriləcək dərslərin iyul proqramı:
- 6, 13 iyul, 19:00 (16+) – Kətan üzərində boyalar – Lətafət Məmmədova
İştirakçılara nümunə üçün müxtəlif əsərlərin təsvirləri təqdim ediləcək və ya onlar öz istədikləri əsərləri (internet vasitəsilə baxaraq) kətan üzərində yağlı boyalar ilə yaradacaqlar. Ustad dərsi iki hissədən ibarətdir;
- 20 iyul, 19:00 (16+) – Ucaldan yol – Vüsalə Ağarazıyeva
Ustad dərsində iştirakçılar cari sərgidəki hər hansı bir əsərin bir fraqmentini özləri üçün seçərək kətan üzərində təsvir edəcəklər. Bununla da hər iştirakçı əsərə bəzi fərqli xüsusiyyətlər gətirəcək. Dərs başa çatdıqdan sonra alınan bütün fraqmentlər ümumi əsər kimi birləşdiriləcək;
- 27 iyul, 19:00 (16+) – Ailə portreti – Gülarə İsrafilova
İştirakçılar akvarel kağızı üzərində akril boya ilə öz ailə portretini təsvir edəcəklər.
Yerlər məhdud olduğundan, 050 251 41 15 nömrəsi ilə əlaqə saxlayıb əvvəlcədən qeydiyyatdan keçmək lazımdır.
