Bakının mərkəzində ən yeni dövr Azərbaycan poeziyasının banisi, dünya əhəmiyyətli əsərlərin tərcüməçisi Səməd Vurğunun əzəmətli heykəli ucaldılıb. Lakin zaman keçdikcə heykəlin təmizlənməməsi paytaxt sakinlərini narahat edir. Bu haqda bu gün, 11 oktyabr tarixində Real TV reportaj hazırlayıb.
Səməd Vurğun yaradıcılığının heyranı Xıdır Orucoğlu: “Səməd Vurğun bizdən ötəri doğmadır, əzizdir. Mən istəyərdim ki, Səməd Vurğunun adına görə burada heykəlini təmizləsinlər, təmiz olsun”.
Bakının memarlığını bəzəyən çoxsaylı dahi şəxsiyyətlərin heykəlləri bəzən təmizlənməyə ehtiyac duyur.
Azərbaycan Respublikasının Mədəniyyət Nazirliyinin sözçüsü Leyla Sarabi məsələnin onların diqqətində olduğunu bildirib: “Bildirmək istərdik ki, bu, Mədəniyyət Nazirliyinin prioritet məsələlərindən biridir. Və bununla bağlı Mədəniyyət Nazirliyi bir sıra uğurlu layihələr həyata keçirir, bir sıra şirkət və qurumlarla əməkdaşlıq edir. Gələn ildən heykəllərin eyni şəkildə təmizlənməsi və yuyulması məsələsi gündəmdə olacaq, bir sıra layihələr həyata keçiriləcək”.
