Paytaxtın Suraxanı rayonu, Zığ-Hövsan yolunun üstündə avtobus dayanacağı yoxdur. Bu haqda bu gün, 24 fevral tarixində Bakuplus.az Xəzər Xəbər-ə istinadən məlumat verir.
Sakinlərin sözlərinə görə, Zığ bağları massivi, Rövşən Göyüşov küçəsində 4-5 il əvvəl yol təmir olunub, bundan sonra dayanacaq da ərazidən götürülüb, nişanlanma da sökülüb. Bu səbəbdən avtobuslar burada saxlamır.
“Dayancaqların birini qoyublar 100 metr o tərəfə, digərini 100 metr bu biri tərəfə. Ən çox insanın yaşadığı ərazidə isə dayanacaq yoxdur. Rəsmi qurumlar söz vermişdi ki, dayanacaq quraşdıracaqlar, amma heç kim heç nə etmir”, - deyə onlar vurğulayırlar.
Avtomobil Yolları Dövlət Agentliyi məsələ ilə bağlı bildirib ki, sözügedən küçənin yaxınlığında dayanacaq var, ancaq yenidən əraziyə baxış keçiriləcək və zərurət yaranarsa, yeni dayanacaq quraşdırılacaq.
[URIS id=91925]
