Qayınatasını diri-diri yandıran şəxsin məhkəməsi sona çatıb. Bu haqda BakuPlus.az Kriminalqafqaz-a istinadən bu gün, 10 avqust tarixində xəbər verir.
Ötən ilin sentyabrında arvadı Lamiyə Əhmədovanın ona xəyanət etməsindən şübhələnən 43 yaşlı Rövşən Əhmədov qayınatasını yandırıb.
R.Əhmədov həyat yoldaşı evi tərk edəndən sonra onu axtarmaq üçün qayınatasıgilə gəlib. İçkili halda qayınatası Mütəllim Tağıyevin evinə gələn Rövşən onun üzərinə benzin tökərək yandırıb. Nəticədə Mütəllim Tağıyev ölüb.
Hadisə ilə bağlı başlanılan cinayət işinə Bakı Şəhəri Ağır Cinayətlər Məhkəməsində baxılıb. Məhkəmədə ifadə verən Rövşən Əhmədov əməlindən peşman olduğunu söyləyib.
O bildirib ki, həyat yoldaşının telefonuna davamlı olaraq zəng gəlib. Zəng edənin “Nərgiz Sulutəpə” adlı şəxs olduğunu görəndən sonra öz telefonundan həmin nömrəylə əlaqə saxlayan R. Əhmədov cavab verənin kişi olduğunu öyrənib. Əhmədov içkili olduğunu da qeyd edib.
Təqsirləndirilən şəxs qayınatasını qəsdən yandırmadığını bildirsə də, qayınanası tam əksini qeyd edib.
Mərhum Mütəllim Tağıyevin həyat yoldaşı Tahirə Tağıyeva məhkəmədə verdiyi ifadədə bildirib ki, Rövşən qəsdən evdə yanğın törədib:
“Hadisədən sonra Rövşən oğluna zəng edərək Mütəllimin vəziyyətini soruşub və deyib ki, “hələ nənəni də yandıracam”.
Bakı Şəhəri Ağır Cinayətlər Məhkəməsinin hökmü ilə Rövşən Əhmədov CM-in 120.2.4-cü, 120.2.9-cu, 29, 120.2.4-cü, 29, 120.2.7-ci və 29, 120.2.9-cu maddələri ilə təqsirli bilinib və 18 il müddətinə azadlıqdan məhrumetmə cəzasına məhkum olunub.
