Narkotik vasitənin təsiri altında avtomobil idarə edən Bakı sakini həbs olunub. Bu haqda 12 avqust tarixində Report məlumat verib.
Astara rayonu ərazisində Bakı şəhər sakini Sərxan Ağamalıyev idarə etdiyi “Toyota” markalı, 99-VH-493 dövlət qeydiyyat nişanlı avtomobil ilə yol hərəkəti qaydalarını pozduğu üçün saxlanılıb. Məlum olub ki, sürücü narkotik vasitə qəbul edərək avtomobili idarə edib.
Sürücü Masallı Rayon Məhkəməsinin qərarı ilə inzibati həbs olunub və o, 2 il müddətinə sürücülük hüququndan məhrum edilib.
