Bakı-Sumqayıt xətti ilə hərəkət edən sürət qatarı Sabunçu rayonunun Bakıxanov qəsəbəsi yaxınlığında hərəkətdə olan zaman üzərinə daş atılıb, vaqonlardan birinin şüşəsi qırılıb və sərnişinlərin həyatı üçün real təhlükə yaranıb.
Qatara daş ataraq maddi ziyan vuran və sərnişinlərin arasında ciddi narahatlığa səbəb olan azyaşlılar olub. Onlar valideynləri ilə birlikdə Sabunçu xətt polis şöbəsinə aparılıb. Burada həmin şəxslərdən valideynlərinin iştirakı və razılığı ilə izahat alınıb.
Polis əməkdaşları tərəfindən bu hadisəni törədən şəxslərin valideynləri ilə profilaktik söhbətlər aparılıb, övladlarına nəzarətin gücləndirilməsinin vacibliyi onların diqqətinə çatdırılıb.
Faktla bağlı Dəmir yolu Nəqliyyatında Polis İdarəsinin Sabunçu Xətt Polis Şöbəsində araşdırma tədbirləri davam etdirilir.
