Bakıda bir mənzili bir neçə nəfərə satan şirkət rəhbəri azadlığa buraxılıb. Bu haqda 19 avqust tarixində Aqreqator.az məlumat verib.
Bakı Ağır Cinayətlər Məhkəməsində dələduzluqda ittiham olunan "Meqa-Siti Holdinq” MMC-nin təsisçisi Fariz Nuriyevin cinayət işi üzrə məhkəmənin istintaqı başa çatıb. Hökmə əsasən, Fariz Nuriyevə şərti cəza verilib və o, məhkəmə zalından azadlığa buraxılıb.
Belə ki, Fariz Nuriyev inşa edilən yaşayış binasındakı eyni mənzili bir neçə nəfərə satıb. Onun əməlindən iki nəfər zərər çəkib.
Nuriyev saxlanılıb və onun barəsində CM-in “Dələduzluq külli miqdarda törədildikdə”, “Vəzifə səlahiyyətlərindən sui-istifadə ağır nəticələrə səbəb olduqda” və “Vəzifə saxtakarlığı” maddələri ilə ittiham irəli sürülüb.
