Sürücü narkotik vasitənin təsiri altında avtomobil idarə etdiyi üçün həbs edilib. Bu haqda bu gün, 5 avqust tarixində Baş Dövlət Yol Polisi İdarəsi məlumat verib.
Yol polisi iki fərqli qeydiyyat nişanı ilə hərəkət edən nəqliyyat vasitəsinin sürücüsünə “Saxla” əmri verib. Lakin "Chevrolet" markalı avtomobili idarə edən Bakı şəhər sakini Əbdüləli Quliyev Baş Dövlət Yol Polisi İdarəsinin stasionar postunda polisin saxlama əmrinə tabe olmayıb.
Həyata keçirilən tədbirlər nəticəsində avtomobil polis əməkdaşları tərəfindən saxlanılıb, sürücünün hərəkəti şübhə doğurduğu üçün onun üzərində tibbi ekspertiza keçirilib. Həmçinin məlum olub ki, onun avtomobilinin sənədləri olmayıb.
Ekspertiza zamanı Əbdüləli Quliyevin narkotik vasitə qəbul etməsi müəyyən olunduğu üçün barəsində müvafiq sənədlər tərtib edilib və toplanmış materiallar baxılması üçün məhkəməyə göndərilib. Məhkəmənin qərarı ilə o, inzibati qaydada həbs edilib.
[caption id="attachment_56336" align="alignnone" width="300"]
Foto Baş Dövlət Yol Polisinin İnstagram səhifəsi[/caption]
