Bakıda qumar borcu üstündə qətl törədən şəxs məhkəmə qarşısına çıxacaq. Bu haqda 23 iyul tarixində bizim.media.az məlumat verib.
Tanışını qətlə yetirən 38 yaşlı Rabil Qasımovun cinayət işi üzrə ibtidai istintaq bu gün yekunlaşıb. Cinayət işi baxılması üçün Bakı Ağır Cinayətlər Məhkəməsinə göndərilib. İş araşdırılması üçün hakim İradə Həsənzadənin icraatına verilib. Məhkəmənin hazırlıq iclasının vaxtı hələlik məlum deyil.
Cari il aprelin 4-də Nəsimi rayonunda Rabil Qasımov 40 yaşlı Bəhruz Quliyevi qətlə yetirib. Araşdırma zamanı məlum olub ki, Bəhruz qumarda uduzduğu pulu qaytarmadığı üçün Rabil onu bıçaqlayıb.
İstintaq orqanı tərəfindən Rabil Qasımov barəsində Cinayət Məcəlləsinin “Qəsdən adam öldürmə” maddəsi ilə ittiham elan olunub.
