Bakıda Yol Patrul Xidməti (YPX) avtomobili qəzaya uğrayıb. Bu haqda BakuPlus.az Apa-ya istinadən bu gün, 7 iyul tarixində xəbər verir.
Bakı Şəhər Dövlət Yol Polisi İdarəsinin baş inspektoru, polis mayoru Araz Əsgərlinin verdiyi məlumata əsasən insident Ziya Bünyadov prospektindəki tuneldə qeydə alınıb.
“Qəzadan öncə tunelin içərisini yuyublar və bu səbəbdən yer sürüşkən olub. YPX avtomobili tuneli yumaq üçün sudaşıyan maşınla toqquşub.
Nəticədə Bakı Şəhər Dövlət Yol Polisi İdarəsinin əməkdaşı, polis serjantı müxtəlif dərəcəli bədən xəsarətləri alıb və xəstəxanaya yerləşdirilib. Hazırda onun vəziyyəti orta-ağır olaraq qiymətləndirilir”, - o qeyd edib.
Faktla bağlı cinayət işi başlanıb, araşdırmalar davam etdirilir.
