Bakının Dənizkənarı bulvardakı “Ağ şəhər” ərazisində qanunsuz fəaliyyət ilə məşğul olan “parkovşiklər” vətəndaşa hücum ediblər. Bu haqda bu gün, 4 avqust tarixində Avtosfer məlumat verib.
Həmin şəxs avtomobili ərazidə park edərək ailəsi ilə nəqliyyat vasitəsindən çıxıb. Eyni anda özünü parkinq əməkdaşı kimi təqdim edən şəxs ondan pul tələb edib. Kişi qeyri-qanuni rüsum ödəməkdən imtina etdikdə həmin şəxs “həmkarlarını” çağırıb və onlar birlikdə sürücüyə hücum ediblər, təhqiredici ifadələr işlədərək vətəndaşa və onun avtomobilinə zərbələr endiriblər.
Hadisə ilə bağlı vətəndaş Daxili İşlər naziri, general-polkovnik Vilayət Eyvazova müraciət edib.
Bildirilir ki, həmin şəxslər özlərini "Çinar parkinq" şirkətinin əməkdaşları kimi təqdim ediblər. Sözügedən şirkətin sabiq İsmayıllı rayon Polis Şöbəsinin rəisi, Nizami Qocayevə məxsus olduğu iddia olunur.
