Bakıdan Qaxa hüzr mərasiminə gedən ər-arvad qəzaya düşərək xəsarət alıblar. Bu haqda bu gün, 9 iyul tarixində APA məlumat verib.
Hadisə səhər saatlarında Oğuz rayonu ərazisindən keçən Qaraməryəm-İsmayıllı-Şəki avtomobil yolunun 98-ci kilometrində baş verib. “Mercedes” markalı avtomobilin sürücüsü idarəetməni itirərək yol kənarındakı maneəyə çırpılıb.
Qəza nəticəsində sürücü yüngül xəsarətlər alıb, onun həyat yoldaşı, 55 yaşlı Mədinə Rəsulova müxtəlif xəsarətlərlə ilkin müayinə üçün Oğuz Rayon Mərkəzi Xəstəxanasına, daha sonra isə Şəki Rayon Mərkəzi Xəstəxanasına göndərilib.
Faktla bağlı araşdırma aparılır.
