Şəhid anasını yalan vədlə aldadıb 11 min manat alıblar. Bu haqda 29 iyun tarixində Qafqazinfo məlumat verib.
Füzuli döyüşlərində şəhid olan Murad Kəlbiyevin anası Rübabə Kəlbiyevaya qarşı dələduzluq əməli törədilib. Belə ki, Bakı şəhər sakini İlham Abdullayev şəhid anasını aldadaraq 11.000 manatını ələ keçirib. O, yalandan vəd verib ki, Qusar rayon Cibir kənd orta məktəbinin adı dəyişilərək onun oğlunun adını daşıyacaq.
Abdullayev bundan əlavə, bir neçə Qusar sakinindən Rəqəmsal İnkişaf və Nəqliyyat, Kənd Təsərrüfatı, Ekologiya və Təbii Sərvətlər nazirliklərinin nəzdindəki qurumlara işə düzəltmək adı ilə pul alıb. O, sakinlərə ümumi 36.000 manat ziyan vurub.
Onun dələduzluq əməli ilə bağlı Qusar Rayon Prokurorluğunda cinayət işi başlanıb və baxılması üçün Sumqayıt Ağır Cinayətlər Məhkəməsinə göndərilib.
