Siyəzən rayonu ərazisində 19 iyul tarixində Baş Dövlət Yol Polisi İdarəsinin əməkdaşları “Opel” markalı avtomobili narkotik vasitənin təsiri altında idarə edən Bakı sakinini saxlayıblar. Bu haqda bu gün, 21 iyul tarixində Avtosfer.az məlumat verib.
Daxili İşlər Nazirliyindən verilən məlumata görə, sürücü, Bakı şəhər sakini Ramal Zamanovun narkotik vasitə qəbul etməsi müəyyən edilib.
Avtomobilə baxış zamanı metamfetamin aşkar edilərək götürülüb, sürücü Siyəzən Rayon Daxili İşlər Şöbəsinə təhvil verilib. Onun barəsində protokol tərtib edilib.
