Bakıda polisə tabe olmayan sürücü saxlanılıb. Bu haqda BakuPlus.az bu gün, 4 iyul tarixində xəbər verir.
“KamAZ” markalı, 41-BA-269 dövlət qeydiyyat nişanlı yük avtomobilinin sürücüsü V.Həsənovun dövlət qeydiyyat nişanlarını bilərəkdən gizlətməsi, eyni zamanda nəqliyyat vasitəsinin üzərində 932 manat ödənilməyən cərimə borcunun olması səbəbindən saxlanılıb.
Sürücüyə yük avtomobilinin mühafizə olunan duracağa yerləşdiriləcəyi bildirildikdə o, polis işçisinin qanuni tələbinə əməl etməyərək ərazidən uzaqlaşıb.
Bir müddət sonra V.Həsənov başqa bir avtomobillə stasionar posta qayıdaraq taqımın inzibati binasında polis əməkdaşlarının ünvanına nalayiq ifadələr işlədərək cərimələri ödəməyəcəyini bildirib.
V.Həsənov saxlanılaraq aidiyyəti üzrə təhvil verilib. Onun barəsində inzibati protokol tərtib edilərək baxılması üçün məhkəməyə göndərilib və məhkəmənin qərarı ilə o, 20 gün müddətində inzibati qaydada həbs edilib.
[video width="640" height="352" mp4="https://bakuplus.az/storage/photos/2022/07/surucu.mp4"][/video]
