Bakıda işçi şirkət rəhbərinə pul “atıb”. Bu haqda 30 iyul tarixində Qafqazinfo məlumat verib.
“Pegasus” MMC-nin rəhbəri Aydın Məmmədov hüquq-mühafizə orqanlarına müraciət edərək bildirib ki, o, işçisi tərəfindən dələduzluğa məruz qalıb. Belə ki, kuryer vəzifəsində işləyən 36 yaşlı R.Quliyev 15.910 manat pulu kassadan yayındıraraq mənimsəyib.
Aydın Məmmədov iddia edir ki, Quliyev pulu ötən ilin dekabrından bu ilin iyul ayınadək olan müddət ərzində hissə-hissə ələ keçirib.
Hazırda müraciətlə bağlı Yasamal Rayon Polis İdarəsində araşdırma aparılır.
"Pegasus" MMC beynəlxalq poçt xidmətləri fəaliyyəti ilə məşğul olan şirkətdir.
