Bakıda kürəkən qaynının gözünü çıxarıb. Bu haqda 30 iyun tarixində Qafqazinfo məlumat verir.
Qaradağ rayonunda 38 yaşlı Tural Məmmədquliyev yanvarın 23-də Allahverən adlı qaynı ilə dava edib və qəfil hərəkətlə onun gözünə zərbə endirib. Zərbənin təsirindən Allahverən yıxılıb və gözündən qan gəlib. O, dərhal xəstəxanaya çatdırılıb və müayinə zamanı məlum olub ki, həmin şəxsin gözü çıxıb və bir gözünün görmə qabiliyyətinin tam itirilməsi diaqnozu qoyulub. Zərərçəkmişi sonradan Türkiyəyə mualicəyə aparsalar da, orada da onun gözünün görmə qabiliyyətinin bərpa edilməsinin mümkünsüz olduğu, gözün daxili möhtəviyyatının xaric olduğunu bildiriblər və şüşə göz qoyublar.
Məhkəmədə zərərçəkmiş şəxs Turalı bağışladığını və onun həbsdən azad edilməsini istədiyini deyib. Həmçinin Məmmədquliyev də əməlindən peşman olduğunu və bunu qəsdən etmədiyini, hava qaranlıq olduğundan görmədən gözünə vurduğunu bildirib. O, əməlindən peşman olduğunu deyib.
Bakı Ağır Cinayətlər Məhkəməsində Cinayət Məcəlləsinin “Qəsdən sağlamlığa ağır zərər vurma” maddəsi ilə təqsirləndirilən şəxsə şərti cəza verilib və o, iyunun 22-də məhkəmə zalından azadlığa buraxılıb.
