Bakıda arvadına kəlmeyi-şəhadəti oxutduraraq başını kəsən şəxsə hökm oxunub. Bu haqda bu gün, 12 iyul tarixində Bakuplus.az Milli.az-a istinadən xəbər verir.
35 yaşlı Orxan Alıyev 20 il müddətinə azadlıqdan məhrum edilib. O, 31 yaşlı Nahidə Həsənovanı öldürüb, daha sonra meyitini doğrayıb.
Orxan və Nahidə dayıoğlu-bibiqızı olublar, onların 1 uşağı var. Arvadının xəyanət etməyindən şübhələnən qatil Nahidəni yaşadıqları evdə qətlə yetirib.
“Nahidədən mənə kiminlə xəyanət etdiyini soruşdum. O, xəyanət etmədiyinə and içirdi. Nahidənin saçından tutub sürüyə-sürüyə hamam otağına apardım. Orada Nahidəyə: “Sənin başını da, əllərini də kəsəcəyəm, kəlmeyi-şəhadətini de, səni öldürəcəyəm”, - dedim”.
Orxan öncə arvadının başını bədənindən tamamilə ayırıb, daha sonra isə onun cəsədini vannaya uzadaraq qollarını çiynindən kəsərək, qoparıb. O, qətli öncədən planlaşdırdığını qeyd edib.
Qatilin narkotik aludəçisi olduğu və əsəb xəstəliyindən əziyyət çəkdiyi bildirilir.
