Bakıda iki azyaşlı uşaqla birlikdə özünü yaşayış binasının 5-ci mərtəbəsindən atan qadının intihara cəhdi haqda yeni təfərrüatlar məlum olub. Bu haqda bu gün, 19 iyul tarixində Bakuplus.az məlumat verir.
TƏBİB-dən bildirilib ki, 25 yaşlı Aytən Abbasova müxtəlif növ bədən xəsarətləri ilə, uşaq isə qolunda və budunda sınıqlarla Kliniki Tibbi Mərkəzə yerləşdirilib. Qadının vəziyyəti olduqca ağır, uşağın vəziyyəti isə orta-ağır olaraq qiymətləndirilir.
Hadisə ilə bağlı Yasamal Rayon Prokurorluğunda “Özünü öldürmə həddinə çatdırma” maddəsi ilə cinayət işi açılıb.
Oxu.az-dan verilən məlumata görə, qayınanası gəlini Aytən Abbasova ilə mütəmadi olaraq mübahisə edib.
Ötən gün axşam saatlarında gəlinlə qayınana arasında yenidən mübahisə başlayıb. Səs-küyə gələn evin mühafizə işçiləri mənzilin qapısını dəfələrlə döysələr də, heç kim açmayıb.
Həmçinin bildirilib ki, Aytən Abbasova əvvəllər də intihara cəhd edib. Lakin həmin zaman qadına qonşular mane olublar.
