Bakının Nizami rayonunda 31 yaşlı oğlan sevgi münasibətində olduğu qadına xəsarət yetirib.
Demokrat.аz xəbər verir ki, hadisə ötən ilin 12 sentyabrında gecə saat 00:50-də baş verib. Belə ki, Bakı sakini 1995-ci il təvəllüdlü Elman münasibətdə olduğu Zamirə ilə mübahisə edib. Mübahisə zamanı qadının onu təhqir etməsinə əsəbiləşən Elxan yumruqla onun sifət nahiyəsinə zərbələr endirib və xəsarət yetirib.
Faktla bağlı ona Cinayət Məcəlləsinin 127.1-ci maddəsi ilə ittiham elan olunub. Elxan məhkəmədə özünü təqsirli bilib, peşman olduğunu və zərərçəkmişlə barışdığını deyib. Zamirə də şikayətçi olmadığını bildirib.
Nizami Rayon Məhkəməsinin qərarı ilə tərəflər barışdığı üçün Elxan cinayət məsuliyyətindən azad edilib və işə xitam verilib.
Qeyd edək ki, adlar şərtidir.
