Bakının Nizami rayonunda telefonda yüksək səslə danışaraq qışqıran 30 yaşlı kişi ona baxan şəxsi döyüb.
Hadisə "Neftçilər" metrostansiyasının yaxınlığında, Qara Qarayev prospektindəki körpünün altında baş verib.
1995-ci il təvəllüdlü Tuncay sərxoş vəziyyətdə telefonla yüksək səslə danışarkən ona baxan Özcanı təhqir edib və yumruqla sifətinə zərbələr endirib. Nəticədə zərərçəkənin qaşı yarılıb və ona 8 tikiş qoyulub.
Məhkəmədə əməlini etiraf edən Tuncay hadisə zamanı sərxoş və əsəbi olduğunu bildirib. O, zərərçəkənə 1000 manat təzminat ödədiyini və onunla barışdığını deyib.
Nizami Rayon Məhkəməsinin hökmü ilə Tuncay 1200 manat cərimələnib.
mənbə: demokrat.az
