Bakının Nizami rayonunda 31 yaşlı kişi tanışına xəsarət yetirib.
Demokrat.az xəbər verir ki, Şəki rayon sakini Taleh tanışı Elmarla (adlar şərtidir – red.) mübahisə edib. Mübahisənin yaranmasına səbəb iş məsələsi olub.
Belə ki, Elmar hadisə günü saat 16:30 radələrində işdən çıxaraq evinə gedərkən əvvəllər tanıdığı Talehlə küçədə qarşılaşıb. Görüş zamanı Taleh onun işdən çıxarılmasında Elmarı günahlandırıb və aralarında mübahisə yaranıb. Mübahisə zamanı o, qəsdən əli ilə Elmarın baş və sifət nahiyələrinə bir neçə dəfə zərbə endirib.
Faktla bağlı Talehin barəsində Cinayət Məcəlləsinin müvafiq maddəsi ilə ittiham irəli sürülüb.
İş üzrə ifadə verən Taleh ona elan olunmuş ittihamla özünü təqsirli bilib. O, zərərçəkmiş şəxs ilə barışdığını bildirib və barəsində olan cinayət işinə xitam verilməsini xahiş edib. Bu barədə məhkəməyə ərizə təqdim olunub.
Nizami Rayon Məhkəməsinin hökmü ilə Cinayət Məcəlləsinin 73.2-ci maddəsinə əsasən təqsirləndirilən şəxs cinayət məsuliyyətindən azad edilib və cinayət işi üzrə icraata xitam verilib.
