Paytaxtın Nəsimi rayon sakini polisə müraciət edərək ona məxsus "Hyundai" markalı avtomobildən pul və bank kartının talanmasını bildirib.
Daxili İşlər Nazirliyinin mətbuat xidmətindən Bakuplus.az-a verilən xəbərə görə, Nəsimi RPİ 19-cu Polis Şöbəsi əməkdaşlarının keçirdikləri tədbirlərlə əməli törətməkdə şübhəli bilinən E.Bayramov saxlanılıb. Araşdırmalarla onun avtomobilin qapısının açıq olmasından istifadə edərək talama cinayəti törətdiyi məlum olub. Bununla kifayətlənməyən E.Bayramov oğurladığı bank kartından da 479 manatı çıxararaq talayıb.
Araşdırma aparılır.
