Bakıda sərnişin avtobusunda sürücüyə hücum edən şəxs məhkəmə qarşısına çıxarılıb.
Teleqraf.az xəbər verir ki, hadisə Nizami rayonu, Babək prospektində 49 nömrəli marşrut avtobusunda baş verib.
Sərnişin qismində olan Elşən Rəhimov (soyad şərtidir) arxa qapının açılmaması səbəbindən sürücü Kamran Qatarlıya irad bildirib. Yaranan mübahisə zamanı ona yumruq zərbələri endirib.
Zərbələr nəticəsində sürücü üz və burun nahiyəsindən yüngül xəsarət alıb. Hadisə sərnişinlərin müdaxiləsi ilə dayandırılıb.
Bakı şəhər Nizami Rayon Məhkəməsinin hökmü ilə Elşən Rəhimov Cinayət Məcəlləsinin 221.1-ci (xuliqanlıq) maddəsi üzrə təqsirli bilinərək 1500 manat cərimə olunub.
